في موضوع مدري اذا الاغلب يعرفه او لا ولكن في نظري من اهم المواضيع اللي لازم اي مستخدم للكمبيوتر يعرفها
وهو موضوع مدبر المهام
الحين الاغلب منا اكيد بيوم يشتغل على الجهاز يقوم يفتح شي يعلق الجهاز سواء فتح صفحة نت او برنامج او ملف او اي شي يعلق الجهاز
يروح بكل بساطه برعص كبسه اعادة التشغيل
وهذي مشكله كبيره ترى واغلب خرابالكمبيوتر منها وهي انك تضغط اعادة تشغيل والجهاز شغال لانك تفصل الكهرب فجأه عن الجهاز وما يستعد الجهاز لهالشي وهذا فقط للحالات الطارئة جدا ولكن حنا للحالات اللي اي شي هعن هعن
المهم بقولككم سر عن كيف تحلو مشكله التعليق اذا صارت
الحين اذا علق الجهاز مع اي احد ولا عرف وش يسوي
اضغط
alt+ctrl+delete
بنفس الوقت تطلع لك شاشه ثانيه
البعض تطلع له شاشه فيها اكثر من خيار من ضمنها خيار مدبر المهام اضغط عليه وفي بعض نسخ الوندوز تطلع مدبر المهام مباشرة
المهم اول خيار فوق وهو التطبيقات الحين فيه كل شي يشتغل في الجهاز يظهر عندك مباشره
يعني اذا كنت فاتح مسنجر وفاتح صفحه نت وانشودة وغيره
كل شي يظهر عندك المفروض في الوضع الطبيعي يكون جنبهم مكتوب
يتم التشغيل الان وهذا يعني انه طبيعي الوضع
لكن اذا علق الجهاز وضغط على مدبر المهام اكيد تلقى واحد منهم مكتوب جنبه لا يتم تشغيل البرنامج او البرنامج لا يعمل او لم يتم التشغيل او التطبيق لا يستجيب
واحد من هذي الخيارات تعرف وقتها ان هذا هو اللي معلق وهو سبب تعليق الجهاز بالكامل
الحل
اضغط على التطبيق اللي معلق ضغطه وحده فقط وتحت تلقى كلمه انهاء المهمه
اضغطها تنتظر شوي وينتهي الموضوع وتنحجل المشكله ان شاء الله ويرجع الجهاز طبيعي
لكن اذا ما انحلت المشكله هنا تروح للتطبيق المعلق وتضغط عليه يمين يطلع لك خيارات تختار اخر خيار منهم ينقلك لصفحه ثانيه وحده تلقى في نهاية الصفحه بالزاوية تحت كلمة انهاء العمليه او كلمة بهذا المعنى لانه ما في غيرها تحت وحدها
وتضغط عليها يعطيك تنبيه طنشه وارعص موافق هعن هعن يقفل الشي اللي معلق ويرجع الجهاز طبيعي ان شاء الله
اتمنى تعجبكم الطريقه ان شاء الله
الرئيسية 
